खगोल विज्ञान, खगोल भौतिक विज्ञान तथा अन्तरिक्ष विज्ञान विषयको आधारभूत ज्ञानलाई देशभरका विद्यार्थी तथा शिक्षकहरूसम्म प्रवाह गर्ने उद्धेश्य अनुरुप वी.पी. कोईराला मेमोरियल प्लानेटेरियम तथा अब्जरभेटरी र विज्ञान सङ्ग्रहालय विकास समितिले निम्न कार्यहरू गर्दै आइरहेको छ।

क) क्षेत्रीय, राष्ट्रिय तथा अन्तर्राष्ट्रिय स्तरमा खगोल विज्ञान, खगोल भौतिक विज्ञान तथा अन्तरिक्ष विज्ञान विषयक स्कुल तथा गोष्ठीहरूको आयोजना

ख) नगरकोट स्थित राष्ट्रिय बेधशालामा खगोल विज्ञान, खगोल भौतिकी विज्ञान तथा अन्तरिक्ष विज्ञानका क्षेत्रमा अध्ययन अनुसन्धानका कार्यहरूको सञ्चालन

ग) पछिल्ला दुई दशक देखि नियमितरुपमा जर्नल, म्यागजिन, बुलेटिन तथा अन्य पुस्तकहरूको प्रकाशन

घ) स्टार पार्टीहरूको आयोजना